Die gewilde Suid-Afrikaanse kunstenaars Jo Black en Refentse gaan in Junie vanjaar Kanada behoorlik op horings neem met die Afrikaans is Lekker-konserte in Kanada wat onder meer in Calgary en Vancouver aangebied gaan word. Dié konserte, aangebied deur South African Events en AfriForum Wêreldwyd, bied aanhangers in Kanada ’n geleentheid om dié talentvolle kunstenaars in lewende lywe te sien.

Die geliefde “Skepe”-sanger, Jo Black, en die ewe gewilde Refentse – bekend vir treffers soos “Reisiger” en “Vuil Vanderbijl” – se musikale talent lok Suid-Afrikaanse én internasionale gehore reeds nagenoeg ’n dekade lank van die een stampvol konsert na die volgende. Die Afrikaans is Lekker 2024-musiektoer na Kanada beloof boonop om die tradisie van uitstekende musiek waarmee aanhangers van Black en Refentse vertroud geraak het, nie net voort te sit nie, maar selfs te verbeter.

Die konsertdatums is soos volg:

1 Junie 2024 – Calgary
Koop kaartjies hier.

2 Junie 2024 – Vancouver
Koop kaartjies hier.

South African Events en AfriForum Wêreldwyd is toegewyd om geleenthede te skep waar ons mense in die buiteland kan saamkom, deel kan bly van hulle kultuur en nuwe herinneringe kan skep.

All4Travel is die trotse borg van die visas vir al die kunstenaars.

Vir meer inligting besoek gerus South African Events se webtuiste, of stuur ’n e-pos na events@southafricanevents.com.

Gaan teken ook in op AfriForum Wêreldwyd se Kollig-nuusbrief sodat jy nie belangrike inligting misloop nie!

Die Afrikaans is Lekker 2024-toer beloof om een vir die boeke te wees. Kom deel in ’n fees van musiek en kultuur en raak deel van ’n gemeenskap oor landsgrense heen. Ons sien uit daarna om jou by Afrikaans is Lekker 2024 te verwelkom!