Afrikaans is Lekker is ’n jaarlikse Suid-Afrikaanse konsert wat gehou word in Australië en Nieu-Seeland. Die Suid-Afrikaanse byeenkoms word aangebied deur South African Events. Vanjaar het kunstenaars soos Theuns Jordaan, Nianell, Refenste, Dowwe Dolla, Jacques du Plessis and Snotknop Suid-Afrikaners in die buiteland vermaak.

Volgens Sue-Ann de Wet, AfriForum se projekkoördineerder vir Suid-Afrikaanse Diaspora het vier van die vyf konserte uitverkoop. Ná slegs twee konserte was die kunstenaars se CD’s uitverkoop. Wêreldwyd het as trotse borg opgetree vir Afrikaans is Lekker. “Ons borg, want dit is vir ons belangrik dat Afrikaners buite ons land informeel kan saamkom en steeds hul Afrikanerskap kan vier, of hulle nou gaan terugkom of nie. Hulle is ons familie, vriende en ambassadeurs en ons kan nie bekostig om hulle te verloor nie.”

Die 2018-toer het die naweek tot ’n einde gekom in Melbourne. Daar was ook optredes in Brisbane, Perth, Sydney, Wellington en Auckland.